لا تطولهااا

قل كلام يشرح الخاطر او ارحل

لاتطولها وهي عندي قصيره

لو تبي تزعل وانا مااخطيت ازعل

وابتعد مادامت الدنيا الكبيرة

فوق هذا والله اني ماتحمل

المشاعر من طباعك مستجيرة

كان ودك نتفق بالحب تفضل

وكان قلبك مايبي موجود غيره

غيرك اغلى غيرك احلى غيرك اجمل

وكل بنت ودها تكون الاسيرة

ياعجول بالحكم دايم تمهل

كان لك قلب ولك عين بصيره

لك نزفت الحب ماالقصد اتجمل

كنت صادق في القليل وفي كثيرة

كنت انا أسأل عنك أبي لو يوم تسأل

كنت ادور لك عذر واقول خيرة

القصيد اللي من اعماقي تسلل

كيف ماقدرت من ينسج حريره

انتظرت الشكر لكنه تحول

للبحور اللي قوافيها غزيره

منت الآخر في جحودك ومنت الأول

انت واحد ماعرفته بها الجزيره